«Қазақстан киносының күндері» Мордовия Республикасында 2026 жылдың 9–10 сәуірі аралығында өтеді.

«Қазақстан киносының күндері» Мордовия Республикасында 2026 жылдың 9–10 сәуірі аралығында өтеді. Бұл – ұлттық кинематографияны насихаттауға және Қазақстан мен Ресей арасындағы гуманитарлық байланыстарды нығайтуға бағытталған маңызды мәдени оқиға. Шара мәдениет пен өнер саласында қарқынды дамып келе жатқан ынтымақтастықты көрсетеді.
Көрсетілімдер Саранск қаласындағы Визуалды өнер орталығында (50 жыл Қазан даңғылы, 17) өтеді. Барлық сеанстарға кіру тегін.
Бағдарлама аясында көрермендерге заманауи қазақстандық фильмдер ұсынылады. Нақтырақ айтқанда:
· 9 сәуір сағат 12:30-да «Композитор» фильмі көрсетіледі;
· 9 сәуір сағат 15:00-де көрермендер «Жақсылық» картинасын тамашалай алады;
· 10 сәуір сағат 17:00-де «Амре» тарихи драмасының көрсетілімі өтеді.
«Қазақстан киносының күндері»көрермендерді елдің бай мәдени мұрасымен, заманауи кинематографиялық үрдістермен және өнер тарихында терең із қалдырған көрнекті тұлғалармен таныстыруға бағытталған. Бұл шара екі ел арасындағы мәдени диалог пен ынтымақтастықты одан әрі дамыту үшін таптырмас алаң болатынына сеніміміз мол.